غادة إبراهيم: الأخت المطلقة من محمود عبد العزيز كانت بتدور على حد يعملها عمل علشان ترجعله
كشفت الفنانة غادة إبراهيم عن موقف حدث بينها وبين طليقة الفنان محمود عبدالعزيز التي وصفتها على حد تعبيرها بالاخت المطلقة
وكتبت عبر صفحتها الشخصية بموقع التواصل الإجتماعي فيس بوك:
كلمة حق وشهادة أحاسب عليها والله على ما أقول شهيد
في سنة ١٩٩٨ كنا في منزل الشيخة (ف) سعودية من أصول مغربية في الزمالك كنا مدعوين على الغداء وكان فيه ستات كتير ومن جنسيات مختلفة وكان موجود بيننا الأخت المطلقة أيامها من النجم محمود عبد العزيز وكانت علاقتى بيها في هذه الأيام أكتر من رائعة كنت في بداياتى وكانت بتسجل معايا لقاءات لمحطة ART
وفجأة قعدت تبكى بحرقة وفتحت موضوع الطلاق وانها بتدور على حد يعمل لها عمل أو سحر ويرجعها تانى لزوجها سألتني قولت لها معنديش حد وبعدين سألت الشيخة زعلت جدا منها وإحتدت عليها وقالت لها عيب تقولى كلام زى ده احنا مش بتوع أسحار وأعمال وخلص اليوم.
عرفت بعدها انها رجعت لزوجها بعد توسط صديقتها الممثلة ... وفي الوقت ده كان الى مكتوب في البطاقة وموجود على الكمبيوتر القديم كانت البطاقة بتتجدد عادى بنفس البيانات المدونة ما دام مفيش اى تحديث حصل على هذه البيانات وكذلك كان جواز السفر بيتعمل ويتجدد بنفس بيانات البطاقة .. وبشهادة مساعد المأذون الى قال انى ذهبت للمطلقة لأعطى لها قسيمة الطلاق سنة ١٩٩٨ وهى رفضت إستلامها إذن انتى عارفة ان الطلاق وقع رسميا بقسيمة موقعة ليه لما رجعتى للزوج متعملش قسيمة زواج جديدة زى الشرع والدين والقانون ؟ ولا طلبتى والزوج رفض !؟
ولما إتحدث كمبيوتر الأحوال المدنية في سنة ٢٠٢٢ راحت تجدد البطاقة ظهرت وثيقة الطلاق فقامت رافعة قضية سنة ٢٠٢٣ إثبات إرجاع لكن المحكمة والقانون ليهم الأوراق الرسمية الى مش موجود فيها وثيقة زواج جديدة بعد تاريخ الطلاق !!
والراحل العظيم احنا منعرفش ايه الحوار الى دار بينه وبينها ورجعت على أى أساس وأنهى إتفاق ده يخصهم هما .. لكن النتيجة إن المحكمة والقانون يحتاج ورق رسمى موثق مش شهادة الشهود وكذلك الميراث ..
وهى من رفعت القضية ولجأت للمحاكم لغرض في نفس إبن يعقوب ! وأبناء النجم ردوا قانونا ولم يبدأوا بأى مشاكل ولا إجراءات مسيئة مطلقا
راح فين الحب العظيم الى ضحيتى هناكى فداه وهتعيشى على ذكراه !؟؟
ولا كله يهون قدام الميراث المحصلة في الأخر نحن نحترم القضاء والقانون والقضاء قال كلمته إنك مطلقة مش أرملة !!
وأنا أحب أقوللك من موقعى هذا ..
فيه ورق وإثبات يبقي فيه جواز
مفيش ورق ولا إثبات يبقي مفيش جواز
والله المستعان
