والد سما أحدي ضحايا إنفجار خط الغاز بأكتوبر يطلب الدعاء لـ أبنته
تاني مرة تتعرض للمــ.ـوت بكلمات مؤثرة الدكتور عادل آمين والد سما أحدي ضحايا انفجار خط الغاز بأكتوبر يحكي تفاصيل ما حدث لابنته
حكايه سما . اسمحولي احكي لكم حكايه سما بنتي وصاحبتي والمفروض زميله المستقبل سما طول عمرها متفوقه نجحت في الثانويه العامه ودخلت طب أسنان القاهره وعدت السنوات الثلاثه الاولي من الكليه بتفوق ومن سنه بالظبط راجعه من الكليه بالعربيه يجي شاب طايش باستهتار يخبطها بسرعه مهوله وتتقلب بالعربيه وطبعا يجري وتدخل عمليات لمده خمس ساعات وربنا ينجيها وتخرج من الحادثه دي بنفسيه ربنا أعلم بيها ويابابا اانا مش هسوق تاني وامس بتستعد لمناقشة مشروع التخرج وتروح كليتها مواصلات وبتكلمنا قبلها وتقول انا خلاص داخله مدخل اكتوبر وبعدها بخمس دقايق الحق بنتك خط الغاز في اكتوبر انفجر والنار مسكت فيها واروح لها اشوف منظر عمري مهنساه وتدخل العنايه المركزه وتتحط علي جهاز التنفس الصناعي وبين ايدين ربنا وده برضه بسبب استهتار وإهمال مسؤل نسي ينسق وهو بيحفر وكأني مفروض عليا اتحمل انا وبنتي استهتار الآخرين حسبي الله ونعم الوكيل في اي حد اتسبب في الاذي لبنتي ايا كان مين هو اناراضي يارب بقضائك بس برجاء تشيرو البوست ده علشان ميروحش حق بنت في بدايه حياتها #عايز حق سما بنتي
